Қазақстан филиалында Ұлы Отан соғысындағы Жеңістің 80 жылдығына арналған мерекелік концерт болып өтті

2025 жылғы 6 мамырда М.В.Ломоносов атындағы ММУ Қазақстан филиалында Ұлы Отан соғысындағы Жеңіс күніне арналған гала-концерт болып өтті. Дәстүр бойынша концерт келешек ұрпақтың бейбіт аспаны астында өмір сүруі үшін жанын қиған батырларды бір минут үнсіздікпен еске алумен ашылды.

Филиал директоры, ММУ құрметті профессоры А.В.Сидорович: «Біз ұлы мереке – Ұлы Отан соғысындағы Ұлы Жеңістің 80 жылдығы қарсаңында жиналып отырмыз. Біздің филиалдың студенттері соғыстың сұрапыл сынақтарында халқымыздың тағдырын байланыстырған ұмытылмас, қиын жылдарды қастерлейді», – деді және Филиал студенттері мен оқытушыларын Жеңіс күнімен құттықтады.

Концертке барлық білім беру саласының 1 және 2 курс студенттері қатысты. Студенттер соғыс жылдарындағы әндер мен заманауи шығармаларды орындап, өлеңдер оқып, театрландырылған көріністер көрсетті.

Сахнадан «Соғыс туралы естелік кітабының» жаңа басылымынан үзінділер оқылды, оларды авторлар – «Математика» бағытының 2 курс студенті А. Әбдіразақов пен «Филология» бағытының 2 курс студенті А.Цындря оқыды. Филиал студенттері мен магистранттары жазған «Соғыс туралы естелік кітабы» Қазақстан жұртшылығының үлкен назарын аударып, сондай-ақ Мәскеу университетінде кеңінен талқылануда. Бұл кітап – Ұлы Отан соғысының батырларына құрмет пен терең алғыс ретінде Қазақстанның әрбір отбасында сақталады.

Концерт соңында сол соғыстың қаһармандарын еске алып, Жеңістің қандай бағамен келгенін түсінетін бірнеше ұрпақтың әнұранына айналған «Жеңіс күні» әні орындалды!

Ұлы Жеңіс күні құтты болсын!