ММУ Қазақстан филиалының студенттері Фишер шахматы турнирін өткізді

2024 жылғы 2 желтоқсанда ММУ Қазақстан филиалында Фишер шахматы турнирі өткізілді. Ойынның бұл нұсқасы «Шахмат-960» деген атаумен таныс, оны Бобби Фишер шахмат ойынындағы есте қалған дебюттердің орнын азайтып, көбірек шығармашылық енгізу мақсатында жасаған еді.

Турнирді ұйымдастырғандар – Филиалдың Студенттік кеңесінің спорт секторы. Студенттердің айтуынша, Фишер шахматы студенттердің турнирін демократиялықпен өткізу үшін өте қолайлы. Оның таныс шахматқа қарағанда айқын айырмашылығы, фигуралардың бастапқы орналасуы кездейсоқ түрде анықталуында. Бұл түрлі деңгейдегі шахмат ойнаушыларға жеңіске жетуге бірдей тең мүмкіндік жасай алады.

Турнирге 13 студент қатысты. Қазылар алқасында әлеуметтік-гуманитарлық пәндер кафедрасының доценті Д.С. Ташкеев және «Экология және табиғатты пайдалану» бағдарламасының 2 курс студенті Егор Кошкин болды. Турнирді жүргізген «Экология және табиғатты пайдалану» мамандығының 2 курс студенті Дмитрий Тен. Ол ойын алдында Фишер шахматының тарихы мен ережелері туралы баяндап берген еді.

Турнир қорытындысы бойынша келесі жеңімпаздар анықталды:

1 орын – Әнуар Мубараков (ВМК-11);

2 орын – Давыд Шумилов (ММ-21);

3 орын – Жәңгір Омар (Г-21).

Жеңімпаздарды құттықтаймыз және ұйымдастырушыларға турнирді сәтті өткізгені үшін алғыс айтамыз!